Moelogan Fawr
Mae Llion a Siân Jones wedi bod yn ffermio gwartheg a defaid ym Moelogan Fawr dros y 3 blynedd diwethaf. Maen nhw'n wynebu amodau heriol wrth ffermio ar dir uchel sy’n amrywio o 1000 troedfedd i uchder hyd at 1500 troedfedd!
Fel rhan o'r gymuned o ffermydd sy'n cymryd rhan yn rhaglen Gyswllt Ffermio, maent wedi cael cyfle i roi cynnig ar rai o'n dyfeisiau dewin tech i’w helpu i drawsnewid diogelwch eu fferm, eu hoffer a'u da byw.
Yn ogystal â da byw, mae gan Llion a Sian fferm wynt ar y tir ar eu tir, sy'n cael ei rhedeg gan cwmni lleol ac a ddefnyddir i gynhyrchu ffynhonnell o ynni glân, adnewyddadwy. Oherwydd yr angen i gynnal a chadw'r tyrbinau'n aml, rhoddir hawl y fford i’r cwmni drwy dir Moelogan Fawr.
Roeddent yn pryderu y gallai pobl gael mynediad i'r fferm wynt drwy giât ar ochr y ffordd nad oedd i'w gweld o'u iard fferm. Wrth i weithwyr ymweld â'r fferm wynt i wneud gwaith cynnal a chadw, roedd perygl y byddai gatiau'n cael eu gadael ar agor gan y tîm. Er mwyn sicrhau bod y tir yn ddiogel gyda chymaint o ymwelwyr, penderfynodd Llion a Sian fuddsoddi yn yr dewin agor:cau.
Roedd y ddyfais agor:cau ynghlwm wrth y giât ac mae'n gweithio drwy borth LoRaWAN lleol, a sefydlwyd ar ei fferm gan Cyswllt Ffermio.
“Mae’r ddyfais yn gyflym iawn ac yn hawdd i'w osod. Mae wedi'i osod ar ddangosfwrdd ein gliniadur, er nad ydym yn mynd ar y cyfrifiadur yn aml, mae'n bosibl cael yr hysbysiadau drwy neges destun yn syth i'r ffôn, sy'n wych gan ei fod yn anfon neges drwodd ar unwaith i ddweud pan fydd y giât yn agor ac yn cau!”
Mae Llion a Siân yn un enghraifft o’r ffyrdd niferus y gall y dewin agor:cau helpu i sicrhau eich fferm neu fusnes. Ar ôl cael nifer o achosion o gerbydau anhysbys yn cael mynediad i'r fferm wynt, mae gan y pâr dawelwch meddwl nawr, gan wybod y byddant yn cael eu rhybuddio gan y ddyfais ar yr arwydd cyntaf o drafferth gyda'r giât ar ochr y ffordd.
Mae ein dyfeisiau agor:cau ar gael ac mae llawer o gwsmeriaid eisoes wedi dod o hyd i ffyrdd newydd o fuddio o’i fanteision niferus.